Global-3 TF-VKA í loftið

Þær eru hlið við hlið vélarnar hans Kristjáns Árnasonar.

Flugsafnið eignaðist nýlega aðra vél sem Kristján Árnason flugstjóri og flugvélaverkfræðingur hannaði og smíðaði. Vélin kallast GLOBAL-3 og hefur einkennisstafina TF-VKA. Hún er nokkuð frábrugðin  öðrum flugvélum þar sem mótorarnir snúa aftur og loftskrúfur ýta vélinni áfram í stað þess að toga. Kristján smíðaði vélina m.a. í þeim tilgangi að fljúga henni kringum jörðina. Vélin hefur mikið flugþol og er búin öllum nauðsynlegum tækjum til slíks flugs. Hún var smíðuð á árunum 2004 - 2011. Þegar farið var að fljúga vélinn kom í ljós að hún hafði ekki þá flugeiginleika sem ætlast var til. Í vélinn voru tveir ástralskir JABIRO-mótorar, 85 hestöfl hvor. Flughraði var um það bil 105 hnútar og stollhraði 95 hnútar. Áður hafði Safnið eignast TF-JFP sem Kristján hannaði og smíðaði einnig. Eftir andlát Kristjáns ánafnaði eiginkona hans, Ragnheiður Sigurbjörg Ísaksdóttir Safninu TF-VKA.